Ferḥat Mhenni
Alɣu
Algérie-News yessaweḍ-d isalli ass n yanass 16 di meɣres 2009 i deg d-yenna d akken axxam n teɣdemt n Tuvirett yessufeɣ-d lkaɣeḍ i wakken a yi-ddmen yemsulta s timad Uqerru umussu n Timanit i Tmurt n Iqvayliyen. Yella wawal d akken taɣdemt yessuter-itt udavu adigan i wumi ur teɛǧiv ara tikli n wass n 20 di yevrir 2008 d-ssekren imeɣnasen umussu n timanit akk d inelmaden n tseddawit Muḥend U Lḥaǧ At Wakli di Tuvirett.
Wiss acimi almi iɛedda azal useggas ɣef tikli-ya i d-ivegges wexxam agi n teɣdemt a yi-ḥves, dɣa ngum kan tifranin timselwayin i deg ur d-yecliɛ yiwen di Tmurt n Iqvayliyen ?
D anadi i ttnadin win i ɣef a rren llum si tura imi ẓran ulac Aqvayli ara sen-ifernen di timselwayin n 9 yevrir 2009? D anadi i ttnadin ad ssiɣen times tikelt nniḍen, a d-slalen tafsut taverkant tis snat i wakken nutni ad ledhun d ttacert n isendyaq n tefranin deg temnaḍin nniḍen?
Neɣ ahat ttnadin a yi-kksen anekcum ɣer tmurt u ad qqleɣ d iminig i levda?
D ayen yevɣun yili-t, riɣ ad iniɣ i kra n win yellan mgal-iw d akken ur verruɣ i umennuɣ-iw ɣef timanit n Tmurt n Iqvayliyen wala i tlelli-w umeslay d wezref-iw i tinin n tikta-w.
Deg wannar n tikta d umennuɣ asertan i yessefk a yi-d-temmagrem mačči deg win n wargum, n tikerkas, n wesgufsu d udari n tmadaɣt.
Ad yidir Wegdud Aqvayli
A tidir Tmurt n Iqvayliyen
A tidir timanit tadigant
Ad yidir umussu n timanit
Pari, ass n 16 di meɣres 2009
Ferḥat Mhenni
Ittwakkes-ed si : http://mak.makabylie.info/