Mazigh, Amazigh, Tamaziɣt

Xas rzaget temsalt-iw xas akka ifadden-iw âyan! Ad smesdegh taghwect-iw as-d slen medden akken llan! U tsakkegh afus f tmurt-iw a tsruh deg wecruf n zzman! Akka yenna yizem nnegh idhelli kan... Nekwni 30 iseggwasen aya ideg nessawal nessutur akken tutlayt nnegh d yedles nnegh as fken amdhiq di tferka ugafa (amur nnegh )! Imesduba imukar, imesduba ixeddaâen, imesduba inekkaren, imesduba imesbattliyen, imesduba ineqqen, imesduba ghunzant wallen, imesduba ilaqen ad ghlin mazal-iten bedden, yerna gullen ur d teffigh Tmazight seg- wzekka nni ideg ts rran irumyen, asmi sen d fkan tissura n tmura nnegh. Ughalen fellagh am yeqwjan sseglafen fellagh yal m'ara d nini d akken ur netstsu yara lasel nnegh, ur netsadj'ara Tamazight tutlayt nnegh, yerna ur netstsughal ara d aâraben lemmer ad agh âeqden lebyur nni n lpetrole i yukren! Ghas g-gwin segnegh attas n yemdanen, idhemâen, i tsedhmeâ dunnit, nekwni a neqqim da am yighes di tgerjumin nnsen! Skud nella ur zmiren ara ad inin ulac-agh! 30 iseggwasen aya i nessutur tilelli s tugdut, 30 iseggwasen aya igh-d tsarran awal s rrsas d usizzel n idammen nnegh! Ulac yiwen deg-gwegraw aghelnaw akken asen isemmi d "les terroristes", ih imesduba yettfen adabu s ujenwi t-tsersast, itessen idammen n tarwa nnegh, sâan amdhiq deg gwegraw aghelnaw (ulamma zgan dinna am lexyalat n tebhirin kan)! Nekwni umi nghan izmawen nnegh netsraju wissen dacu... Ilaq tura ad-d rren awal yerna ad fken allalen i wakken Tamazight a tsettef amdhiq di tmura n Tferka ugafa am netsat am tutlayin nnidhen tinekcamin : taârabt, tafransist. Ur tsarrat azal i weqjun, ur tsarrat azal i weghyul ghas ma tiqladhin si tswaqqnen d awragh (or)! Ilaq a nini mazal ur nekni, ur nkennu, ur netsruzu! TAMAZIGH d iswi nnegh, s yess kan ara d kkren warraw nnegh t-tsarwa iselhen ma ulac a nughal akw d icettahen akka am wiggi deg netsnezzih yal ass! Abehri ssiwedh-asen sslam, i-genna MATOUB deg-gwal-is i nekwni marra d iqqimen ar assa nbedd! Ilaq ad-d netsmektay wid m'iâedmen tirwihin! Tudert i Tlelli s Tmazight Izmawen nnegh mazl-iten di nneqma nnwen a yifuhanen izzenzen tamurt d nnif-is! Tamazight tilelli alram d lmut! MAZIGH